सगळे भ्रम तुटतात जेव्हा
शून्य हासिल करून बघावे
जेव्हा वाटते ना,सगळे सोबत आहेत
तेव्हा मशानात जाऊन यावे,

किती वेळा रचले मनोरे ,
मनात होते स्वप्न किती,
किती वेळा ढासळले,
पत्याचे बंगले...

मनातच होतीस तू माझी,
स्वप्नातच सापडले
शिंपल्यात मोती,
खरे पाहिले ना जेव्हा ,
फक्त डोळे पाणावले...

शाई संपावी आता,
वही नाही,
शेवट मागतो आता,
पुन्हा माणूस जन्म नाही...

तू होणार नाहीस माझी,
हे माहितेय आता,
व्हावा आठवणींचा पालपाचोरा
राख सुद्धा भेटू नाही....